Жастарға аймақтардан жалдамалы пәтер қашан берілуі мүмкін?

Жұмыс істейтін жастарға арналған жалдамалы тұрғын үйлерді 2022 жылдан бастап Нұр-Сұлтан мен ірі қалаларлардан бөлек, өңірлерде де салу жоспарланып отыр. 

ипотека пәтер баспана
Иллюстрация: Dribbble.com ©Mary Kotyshova

Бұл туралы Ақпарат және қоғамдық даму министрі Дәурен Абаев Мәжілістегі Үкімет сағатында мәлімдеді.

Қолдасаңыздар, 2022 жылдан бастап елдің басқа аймақтарында жастарға арналған жалдамалы тұрғын үйлерді салу мәселесін көтеру жоспарланып отыр, – деді Дәурен Абаев депутаттарға.

Оның мәлімдеуінше, жұмыс істейтін жастарға Нұр-Сұлтаннан, Алматыдан, Шымкенттен 2019 жылы үш мың пәтер бес жылға жалға беріледі. Болжам бойынша жалға беру құны айына 15 мың теңгеден аспайды. Пәтердің ауданы шамамен 40 шаршы метрден кем болмайды.

Нұр-Сұлтан бойынша өтініштер бүгіннен бастап қабылданады. Алматыда 200-ден астам өтініш жиналды. Бұл шараны жастар республикалық маңызы бар қалаларға қоныс аударуға шақыру мақсатында жасалып жатыр деп түсініп қалмауы керек. Себебі негізгі критерийдің бірі – қалада кемінде екі жыл тұрақты тіркеуде болуы қажет, – деді министр.

Жоспар бойынша жастарға үш жыл ішінде тоғыз мың пәтер беру жоспарланып отыр.