Ресейдің Еуропа аумағындағы аудандарында орналасқан циклонның атмосфера фронттарының өтуіне байланысты Қазақстанның көп бөлігінде ауа райы құбылмалы болады, өңірлерде жаңбыр, қар жауады, жел күшейіп, тұман түседі. Солтүстікте көктайғақ болады, оңтүстік-батыста найзағай ойнайды.
«Қазгидромет» синоптиктерінің болжамына қарағанда қазанның соңғы күні Қостанай, Ақмола, Солтүстік Қазақстан облыстарында жауын-шашынмен бірге тұман түседі, көктайғақ болады. Жамбыл, Ақтөбе, Атырау, Павлодар, Қарағанды облыстарында да тұман түседі. Маңғыстау облысында найзағай ойнайды. Республиканың барлық облысының аумағында екпіні секундына 15-20 метрге жететін жел соғады. Күшті желге байланысты Қызылорда, Ақмола, Маңғыстау облыстарында ескерту жарияланды.
