ҚР ҰҚК қызметкерлері Қызылорда облысы аумағында 240 келіден астам уран концентратын сатпақ болғандарды ұстады.
Ведомствоның баспасөз қызметінің хабарлауынша, өткізілген арнайы операция нәтижесінде қылмыстық топтың 4 мүшесі заңсыз әрекеті үстінде ұсталды, олар Қылмыстық кодекстің 283-бабының 2-бөлігі («Радиоактив заттармен, радиоактив қалдықтармен, ядро материалдарымен заңсыз жұмыс істеу») бойынша күдікті деп танылды.
Ядро физикасы институты мамандарының қорытындысы тәркіленген уран концентраты қауіпті радиоактив зат екенін көрсетті. Оның сәулелену деңгейі рұқсат етілген көрсеткіштен бірнеше есе артық және қоршаған орта мен халық денсаулығына кәдімгідей қауіп төндіреді.
Тергеудің мәліметіне қарағанда ұсталған адамдар қауіпті затты ванадий кен орнын игеретін кәсіпорыннан ұрлаған.
