15-17 қазан аралығында ауа райы қандай болады?

"Қазгидромет" РМК синоптиктері 2019 жылдың 15-17 қазан аралығында ауа райы қандай болатынын айтты.

Күз қар ауа райы
Фото: Wallpapermania.eu

Мамандардың болжауынша, алдағы үш күнде кей өңірде жылбысқы қар жаууы мүмкін.

Батыс Сібір және Солтүстік Қазақстан территориясын алып жатқан кең циклонмен поляр және арктика фронттар жүйесі байланысты. Олар Қазақстан территориясы арқылы жылжып, республиканың көптеген облысында жаңбыр, жылбысқы қардың жаууына әсер етеді және күн суытады, – делінген хабарламада.

Алдағы үш тәуліктерде ауа температурасы орташа көпжылдық мағынаға жақын болады.