Қасым-Жомарт Тоқаев Владимир Путинді туған күнімен құттықтады

Мемлекет басшысы Владимир Путинге зор денсаулық, бақ-береке және Ресей халқының игілігі жолындағы еңбегіне табыс тіледі.

Қасым-Жомарт Тоқаев пен Владимир Путин
Қасым-Жомарт Тоқаев пен Владимир Путин. Фото: Akorda.kz

Қасым-Жомарт Тоқаев Ресей Федерациясының Президенті Владимир Путинді туған күнімен құттықтады.

Владимир Путин Қасым-Жомарт Тоқаевқа ризашылық білдіріп, Қазақстан мен Ресей арасындағы ынтымақтастықтың жоғары деңгейде екенін атап өтті.

Екі елдің Президенті алдағы жұмыс кестесін ақылдасты. Соның ішінде 2019 жылы 6-7 қараша күндері Омбыда өтетін Қазақстан мен Ресей ынтымақтастығының XVI аймақаралық форумына дайындық барысын талқылады.