Қасым-Жомарт Тоқаев “оралман” терминін қолданбауды тапсырды

Оның орнына "қандас" сөзін қолдану қажет.

Бұл туралы Мемлекет басшысы Twitter-дегі парақшасына жазды.

Тарихи отанына оралған қазақтарға қатысты “оралман” дегеннің орнына “қандас” терминін қолдану керек. Жеті атасын білетін халыққа “қандас” ұғымы жарасады, – деді Қасым-Жомарт Тоқаев.

Ашық деректерге сүйенсек, 25 жыл ішінде (1991 жылдан 2016 жылдың 1 қаңтарына дейін) Қазақстанға 957 764 оралман келді. Олардың ұрпақтарын, мемлекеттік қоныстандыру бағдарламасының көмегінсіз келгендерді есепке алсақ, 1 миллионнан астам адам елге оралды.