Алматыны шетелдің қала басшылары құттықтады

Бүгін Алматы әкімі Бақытжан Сағынтаев шетелдің қала басшыларынан Қала күнімен құттықтаған хаттар алды. Арасында достық қарым-қатынас берік орнаған қалалардың мэрлері де бар. 

Алматы, құттықтау
Фото: Алматы әкімінің баспасөз қызметі

Литваның астанасы Вильнюс мэрі Ремигиюс Шимашюс Алматыны төл мерекесімен құттықтай отырып, қаланың гүлденуін тіледі.

Аргентинадағы Росарионың мэрі Моника Фэйн да алматылықтарды Қала күнімен құттықтады.

Алматы – бүгінде Қазақстанның және бүкіл Орталық Азияның қаржы және мәдени орталығы. Жуырда Росарионың Алматымен достық қарым-қатынасы бекіген қала болатынын мақтан етеміз, – деп жазылған жеделхатта.

Моника Фэйн Росарио тұрғындарының атынан Алматының өркендеуіне тілектестік білдіріп, қарқынды дамуын жалғастыруды тіледі.