Тұрғын үйден айыруға кімнің шешімімен жол беріледі?
Соттың шешімінсіз тұрғын үйден айыруға жол берілмейді. 25-бап
Конституциямыз бойынша Қазақстан Республикасы:
Қазақстан Республикасы - Президенттің басқару нысанындағы біртұтас мемлекет. 2-бап
Мемлекеттік рәміздердің сипаттамасы мен ресми пайдаланылу тәртібі қандай құжатпен белгіленеді?
Тудың, Елтаңбаның және Әнұранның сипаттамасы және ресми пайдаланылу тәртібі конституциялық заңмен белгіленеді. 9-бап
Қазақстан азаматының қай ұлт өкілі екенін кім анықтайды?
Әркім өзінің қай ұлтқа, қай партияға және қай дінге жататынын өзі анықтауға және оны көрсету-көрсетпеуге хақылы. 19-бап
Қазақстан Парламенті Мәжілісі депутаттарының өкілет мерзімі қанша жыл?
Мәжіліс депутаттарының өкілет мерзімі - бес жыл. 50-бап
Су көздері, өсімдіктер мен жануарлар дүниесі кімнің меншігінде болады?
Су көздері, өсімдіктер мен жануарлар дүниесі, басқа да табиғи ресурстар мемлекет меншігінде болады. 6-бап
Әр азамат өз құқығы мен бостандығын қандай орган арқылы қорғай алады?
Әркімнің өз құқықтары мен бостандықтарының сот арқылы қорғалуына құқығы бар. 13-бап
Президенттің кезектен тыс сайлауы кімнің шешімімен тағайындалады?
Президенттің кезектен тыс сайлауы Республика Президентінің шешімімен тағайындалады және конституциялық заңда белгіленген тәртіп пен мерзімде өткізіледі. 41-бап
Кімдер қандай да бір саяси партияны қолдап сөйлемеуі тиіс?
Әскери қызметшілер, ұлттық қауіпсіздік органдарының, құқық қорғау органдарының қызметкерлері мен судьялар партияларда, кәсіптік одақтарда болмауға, қандай да бір саяси партияны қолдап сөйлемеуге тиіс. 23-бап
Бала тәрбиесі - кімнің міндеті?
Балаларына қамқорлық жасау және оларды тәрбиелеу - ата-ананың етене құқығы әрі міндеті. 27-бап
Қазақстанда билікті кім иемденіп кете алады?
Қазақстан Республикасында билікті ешкім де иемденіп кете алмайды. Билікті иемденіп кетушілік заң бойынша қудаланады. 3-бап
Әлеуметтік желіде бөлісу:
