Елбасы Нұр-Сұлтанның Сарыарқа ауданында орналасқан жаңа мешітке барды. Бұл туралы ҚР Тұңғыш Президенті — Елбасының баспасөз қызметі хабарлады.
Бұған дейін қаланың 380 мыңнан астам тұрғыны бар осы аймағында жаңа мешіт салу туралы ұсыныс айтылған болатын. Нұрсұлтан Назарбаев бұл бастаманы қолдады.
Мешіт жеке инвесторлардың қаржысына тұрғызылды. Ғимарат классикалық ислам стилінде салынып, сырты және іші ұлттық ою-өрнекпен безендірілген.