Алматы, Шымкент және облыс әкімдері тағайындалды

ҚР Президенті Қасым-Жомарт Тоқаевтың Жарлығымен Алматы, Шымкент және бірқатар облыс әкімдері тағайындалды.

Ақорда
Ақорда. Фото: Аkorda.kz

Бұл туралы Ақорданың баспасөз қызметі хабарлады. Алматы, Шымкент қалаларының және облыстардың әкімдері туралы қаулы бойынша:

Бауыржан Байбек – Алматы әкімі;

Ғабидолла Әбдірахымов – Шымкент әкімі;

Ермек Маржықпаев – Ақмола облысының әкімі;

Оңдасын Оразалин – Ақтөбе облысының әкімі;

Амандық Баталов – Алматы облысының әкімі;

Нұрлан Ноғаев – Атырау облысының әкімі;

Асқар Мырзахметов – Жамбыл облысының әкімі;

Ерлан Қошанов – Қарағанды облысының әкімі;

Архимед Мұхамбетов – Қостанай облысының әкімі;

Қырымбек Көшербаев – Қызылорда облысының әкімі;

Болат Бақауов – Павлодар облысының әкімі;

Құмар Ақсақалов – Солтүстік Қазақстан облысының әкімі;

Өмірзақ Шөкеев – Түркістан облысының әкімі;

Даниал Ахметов – Шығыс Қазақстан облысының әкімі болып тағайындалды.

Конституциясының 87-бабының 5-тармағына сәйкес жаңадан сайланған Қазақстан Республикасының Президенті қызметіне кіріскен кезде Нұр-Сұлтан, Алматы, Шымкент және облыстардың әкімдері өкілеттігі тоқтатайды. 12 маусымнан бері әкімдер жаңа әкім тағайындалғанға дейін міндеттерін атқарған болатын.

Айта кетейік, 13 маусымда Нұр-Сұлтан әкімі қызметіне Алтай Көлгінов келді.