2019 жылғы жаздың алғашқы күні ауа райы қандай болады?

Синоптиктердің мәліметінше, Қазақстанға батыс пен солтүстіктен жылжыған атмосфералық фронттар алдағы үш тәуліктегі ауа райына ықпал етеді.

Жаз жаңбыр
Фото: Goodfon.ru

“Қазгидромет” кәсіпорнының мамандары 30 мамырдан 2 маусымға дейінгі аралықта ауа райы қандай болатынын хабарлады.

Фронттардың өтуіне байланысты көп облыста найзағай ойнап, екпінді жел соғады, өткінші жаңбыр жауады. Бірақ жаз шыққандықтан ауа температурасы жаңбыр кезінде айтарлықтай төмендемейді, ал жаңбыр басылған уақытта өте жылдам көтеріледі, – деп хабарлады “Қазгидромет” мамандары.

Еске салайық, бұған дейін синоптиктер көктемнің соңғы күндерінде Қазақстанның көп облысында температура жоғарылайтынын, бірақ жаңбыр жауып, найзағай ойнайтынын және екпінді жел соғатынын хабарлаған еді.