Трактор өндірісі бір жылда 3,3 есе артқан. Бір жыл бұрын бар болғаны 65 техника өндірілген еді, сол кезде көрсеткіш 2017 жылдың қаңтар-сәуірімен салыстырғанда 52%-ға аз болған.
Energyprom.kz мамандарының мәліметінше, республика бойынша ауыл шаруашылығы тракторларының 74,4%-ын, яғни көбін Шығыс Қазақстан облысы шығарады. Өңірде Семей автоқұрастыру зауыты бар. Тракторлардың 24,7%-ын Қостанай облысындағы «АгромашХолдинг KZ» АҚ өндірген. Бұл — Қазақстанда астық жинайтын ESSIL маркалы комбайн өндіретін жалғыз өнеркәсіп орны. 2019 жылдың мамыр айында компания Қытайдағы серіктестерімен бірге Қостанайда трактор шығаратын цехты ашты. Жобаның құны — 1,6 миллиард теңге. Цех жылына 3 мың тракторға дейін шығарады. Келесі жылы Қазақстанның тракторлары Ресейге, Тәжікстанға және Өзбекстанға экспортталады.
Energyprom.kz зерттеуіне қарағанда елімізде 2019 жылдың 1 тоқсанында трактор өндірісі 3 есе артқанымен ауыл шаруашылығына қажет мұндай техниканың 90,6%-ы шетелден алынып отыр.
