Finprom.kz мамандарының мәліметінше, 2018 жыл бойынша есеп берген 132,2 мың кәсіпорынның ішінде компьютер қолданатыны 104,4 мың болды, яғни 79%-ы. Бір жыл бұрын олардың үлесі 72,7% болған. Интернетке қосылған ұйымдардың үлесі 69,3%-дан 76,2%-ға өсті. 2018 жылы олардың саны 100,7 мың болды (бұл – компьютер қолданатын мекеме-кәсіпорындардың 96,4%-ы).

Бұлтты IT-қызметті пайдаланатын мекемелердің үлесі 5,1%-дан 6,5%-ға артқан. 2018 жылдың соңында ақпарат-коммуникация технологиялары саласындағы мамандар саны 34,3 мың адам болды, бұл 2017 жылға қарағанда 7,8%-ға аз.

Қазақстанның ақпарат-коммуникация технологиялары саласындағы компанияларының реестрінде түрлі бағыттағы 150 компания тіркелген.

2018 жылдың қараша айында Нұр-Сұлтанда Astana Hub ІТ-стартаптар халықаралық технология паркі ашылды. Ондағы жобалардың негізгі бағыттары мыналар: 1) ұялы телефон қосымшалары; 2) цифрмен автоматтандыру; 3) онлайн коммерция; 4) цифр платформалар; 5) онлайн білім беру.

Біздің Telegram-каналымызға жазылыңыз!