Желтоқсан оқиғасына қатысушы Гүлбаһрам Жүніс азаматтарды билікке наразылық білдіру, қоғамдық тәртіпті бұзу, заңсыз митингілер ұйымдастыру сияқты әрекеттермен 9 мамыр — Жеңіс күнінің қадірін кетірмеуге үндеді.
Қоғам қайраткерінің пікірінше, бұл күнді қандай да басқа мақсатқа пайдаланудың қажеті жоқ, Жеңіс күні — соғыста қаза тапқан адамдарға тағзым ететін ғана мереке.
Ораза күні, Жеңіс күні, ата-бабаларымыздың қан төгіп, осы елді, жерді, халықты, ұрпақты қорғаған күні қалай ғана ар-ұятыңыз барып, елдің мерекесі мен берекесіне, ата-баба алдына тағзым етіп келетін ұлы күніне, ибалы күніне іріткі саласыз? Бұл — адамдық негізде алсаңыз да қылмыс жағдай. Біздің бар арман-мақсатымыз — елімізде тыныштық пен берекет болып, ауызбіршілікте өмір сүріп, ұрпақтарымыз осы ел мен жерде тыныш өмір сүрсе, достық пен түсінікте ғұмыр кешсе екен деген тілек. Ата-бабамыздың рухы тыныш жатып, еліміз ауызбіршіліктен ажырамасын, — дейді Гүлбаһрам Жүніс.