4 мамырда еліміздің көп бөлігінде күн ашық болады

4 мамырда Қазақстанның басым бөлігінде антициклонның ықпалынан күн жауын-шашынсыз болады, тек батыс, шығыс пен оңтүстік-шығыста аздаған жаңбыр жауады. Республиканың кей жерлерінде тұман түсіп, жел күшейеді, найзағай ойнайды, дауыл тұрады, бұршақ жауады, шаң борайды.

сирень көктем мамыр
Фото: Wawjol74.blogspot.com

“Қазгидромет” РМК баспасөз қызметінің хабарлауынша, Қызылорда, Солтүстік-Қазақстан облыстарында 25 м/с жел соғады, Қызылорда облысында шаңды дауыл тұрады. Атырау облысында 15-20 м/с жел соғып, шаңды дауыл тұрады. Батыс Қазақстан облысында бұршақ жауады, 15-20 м/с жел соғады. Жамбыл облысында тұман түсіп, 15-20 м/с жел соғады. Түркістан, Маңғыстау, Ақтөбе, Қарағанды, Ақмола, Қостанай облыстарында жел 15-20 м/с соғады. Шығыс Қазақстан облысында тұман түседі.

Үлкен Алматы және Кіші Алматы шатқалдарында қар көшкіні қаупі бар. Алматы облысы мен Алматының іргесіндегі өзендерде су деңгейі көтерілуі мүмкін.