Суға батып бара жатқан адамды жағаға қалай шығарған дұрыс?
Суға батып бара жатқан адамды бетін жоғары қаратып, шашынан немесе қолтығынан ұстап жағаға қарай жүзу керек. Құтқарушы адам өзін ұстатпауға тиіс. Өйтпеген жағдайда екеуі де бірге суға батып кетуі мүмкін.
Ініңіздің басына күн өтіп кетіпті, жылу соққысының алғашқы белгілері байқала бастады. Не істейсіз?
Ең дұрысы - жылу соққысын алған адамды көлеңке жерге отырғызып, салқын су ішкізу. Маңдайына және желкесіне салқын компресс жасау қажет.
Қыста автокөлігіңіз жолда тоқтап қалды. Біраз уақыттан соң бетіңіз бен аяқ-қолыңыз тоңа бастады. Сол кезде мына әдістің қайсысын істемеген жөн?
Қол қолғап ішінде тоңса, алақан-білекті бұлғақтатып, жаттығу жасау керек. Жұдырықты түймеген дұрыс. Ал жалаң қолға қар тигенде саусақтарды қусырып, киімнің ішіне сұғу керек. Қол құрғап, жылығаннан кейін ғана қолғапты кию керек. Аяқ тоңса да, бұлғақтатып жылыту керек. Башпайларды сыздап ауырғанына қарамай, қиылдата берген жөн. Бет тоңса, қатты иіліп, біраз жүріп қайтқан дұрыс. 10-20 рет еңкеюге де болады. Бетті қатты желден тығыз бетперде арқылы қорғау қажет. Үсіген жерді жұмсақ шүберекпен ысқылауға болады.
Көшеде кенет ауа жетпей, тұншығып жатқан адамды көріп қалдыңыз. Ең бірінші әрекетіңіз қандай болады?
Ең әуелі жедел жәрдем шақырғаныңыз жөн. Содан кейін барып медицина қызметкерлері келгенше қолдан келетін көмек көрсетесіз.
Айтпақшы, жедел жәрдем шақыру үшін қай номерге хабарласасыз?
103 номеріне хабарласып, диспетчермен байланыса аласыз.
Адамды тоқ ұрғанда алдымен не істеу керек?
Ең әуелі тоқ ұрған электр құрылғысының өшкеніне көз жеткізу керек. Себебі ол жарақаттанушыға да, көмектесуші адамға да қауіп төндіруі мүмкін.
Қай нұсқа инсульттің негізгі белгілерінің бірі саналады?
Инсульт болған кезде адамның басы айналады және ауыра бастайды, дененің бір жақ бұлшықеті әлсірейді, бет қисаяды, сөйлеу қабілеті нашарлайды, көзі бұлыңғырлана бастайды.
Әлдебір зат денеге кіріп кетсе (мысалы, пышақ немесе темір сүйем), не істеу қажет?
Адам пышақ, ағаш секілді заттардан жарақаттанған кезде оны жарақат орнынан суырып алуға болмайды.
Анаңыз тамақ дайындап жатып, қолын кесіп алды. Не істеуге кеңес бересіз?
Қолды кесіп алған кезде антисептик немесе сабынды ерітіндімен емдеу керек. Инфекцияның алдын алу және қан кетуді тоқтату үшін стериль таңғыш тағу қажет. Жара терең болса немесе қан ұзақ уақыт тоқтамаса, дереу ауруханаға бару керек.
Әріптесіңіз мұрнынан аққан қанды тоқтата алмай әлек. Қалай көмектесесіз?
Зардап шегушіні отырғызып, басын алға қарай еңкейтіңіз. Қанның толығымен ағып кетуін қадағалаңыз. Мұрнын 10 минут екі саусағыңызбен қысып тұрыңыз. Ауызға қан толып қалса, оны жұтпай, бірден түкіріп тастау қажет: асқазанға түскен қан жүрек айнытуы мүмкін. 15 минут ішінде қан тоқтамаған жағдайда, мұрынға тығын (тампон) салынады. Мұндай жағдайда дәрігерге көрінген жөн.
Әлеуметтік желіде бөлісу: