Басты бет Мақалада қара тізім

Ілмек: қара тізім

дүкен

Қазақстан дүкендерінде адам денсаулығына аса қауіпті азықтар еркін саудалануда

Тарыдағы «тіршілік иелерін» Рудный қаласының тұрғыны тапқан. Тәрелкеге түсе салысымен тырбаңдаған дернәсілдер сонау Ресейден жеткенше тірі жүріпті. Сөйтсе, сырттан келетін басқа да тауарларда мұндай зиянкестер жетіп артылады екен.

« «Активия» тауарында табылып отыр. Сонымен қатар «Ролтонда» дрож, көгерудің көрсеткіші жоғары боп отыр. Сонымен қатар, пішінәй «Туктан» жұқпалы таяқша табылып отыр. Сонымен қатар, құс өнімдерінде, фарштарда осы сәйкестер табылып отыр»,-дейді Қазақстан тұтынушылар құқығын қорғау қорыныңтөрағасы Ержан Жүнісов.

Тірі құрттар мұздатылған тауық етінен де табылған. Ішке түссе болғаны, сүзек ауруына соқтыратын қоздырғыштар, тіпті, бала жейтін тағамнан да шығыпты. Бұзылған астың барлығы дерлік – ресейлік өнім. Көзді ашып жұмғанша пісетін кеспелер де бар «қара тізімде».

«Тауық дәмі бар жылдам әзірленетін «Ролтон» кеспесінде микробиологиялық көрсеткіштері бойынша сәйкессіздіктер анықталды. Анықталған сәйкессіздіктер бойынша халықтық санитарлық эпидемиялогиялық салауаттандыру саласындағы ҚР заңнамаларының талаптарын бұзушылықтарын жою туралы санитарлық ұйғарым берілді»,-дейді Ақтөбе облысытұтынушылар құқығын қорғау департаменті басшысының орынбасары Гүлбану Дәулетова.

Атап айтқанда, тауық етінен дайындалған кеспе, ас дәмдеуіштер мен крекерлерді де жеу қауіпті боп тұр. «Қара тізімнің» ішінде бала-шаға тәттісіне қызығатын, ал қыз-келіншектер арықтау үшін ішетін тәтті сүт те бар. Сорақысы сол, қанша сұмдығы болса да бұл азық-түліктерді сөрелерден алып тастауға ешбір мекеменің қауқары болмай тұр. «Енді жалпы тауарды алу, алмау тұтынушылардың ол жалпы қандай сәйкессіздік пайда болғанына байланысты. Біз мына жерде айтып отырмыз «қара тізімде» яғни мынау ағзаға, денсаулыққа пайдасыз нәрселер болатын болса, зиян келетін жағдайлар болса сол бойынша тұтынушыларды осы тауар өнімдеріне көзқарастарын жалпы тікелей қарауды айтамыз»,-дейді Қазақстан тұтынушылар құқығын қорғау қорыныңтөрағасы Ержан Жүнісов.

air astana Эйр Астана

Еврокомиссия Air Astana әуе компаниясын «қара тізімнен» шығарды

Еуропалық комиссия бейсенбі күні әуе тасымалдарының қауіпсіздігі бойынша тізімді қайта жаңартты. Бұл тізімге Еуроодаққа ұшуға тыйым салынған әуе компаниялар кіреді.

«Біз Air Astana-ның алты жылдық қызметінен кейін шектелген компаниялардың тізімінен шығарылғанына куаныштымыз», — деді Еурокомиссия мүшесі Виолета Булц.

«Дегенмен ЕО азаматтарының қауіпсіздігі үшін Қазақстанның басқа әуе кемелері тізімде қалды. Сондай-ақ, тізімге ирактық Iraqi Airways әуе компаниясы енгізілді», — деп атап өтті ол.

ЕО азаматтарының қауіпсіздігі үшін жаңаланған тізім 11 қарашада жарияланады. Тізімге 20 мемлекеттің 228 әуе компаниясы енгізілген.