Тест: «Тақтар ойынының» қай кейіпкерісіз?

Мінезіңіз дәл осы кейіпкерге сай келеді. Ол сериалдың басынан аяғына дейін жетіліп, үнемі жаңа жетістіктерге қол жеткізіп жүр. Қазір Джон - Солтүстік королі. Ол ойлы, ақкөңіл бола тұра батылдығымен әрі қайтпас қайсарлығымен танылды. Алайда Джонның аңқаулығы да жоқ емес, әйтпесе, ол өз адамдарынан соққы алмас еді.

Жауынгерлік өнерге аса жетік болмаса да, Тирион ақыл-парасатымен көзге түсіп, сериалдың соңғы маусымына жетті. Сіздің логикалық ойлауыңыз бен әділетсүйгіштігіңіз дәл осы кейіпкерге ұқсайды.

Айтқанынан қайтпайтын, алдына қойған мақсатын қалай болса да орындайтын Серсеяға ұқсас екенсіз. Алайда қызбалыққа салынып, тым биік мақсаттар үшін жақындарыңызды құрбан етуіңіз қаншалықты дұрыс?

Батыл әрі ер мінезді боп өскен жас кейіпкерлердің бірі Арья сериалда талай қиын кезеңді бастан өткереді. Сіз де Арья секілді қиындыққа қажымайтын қара күш иесі бола аласыз. Бірақ оның бойын жаулаған кек қайтару сезімі сізден табылмаса игі.

Басында талай адасып, мақтаншақтығы мен дүниеқоңыздығы үшін қатты опық жеген кейіпкерге тән қасиеттер сіздің де бойыңыздан табылады. Олардан арылу үшін Теон қаншама азап көрді? Ой салғаныңыз жөн.

Хикаяның басында Бранға аса мән бере қоймаған боларсыз. Бірақ соңғы маусымға дейін бала Бранның бұл көркем шығармадағы маңызы зор екені анықталады. Ол - сәуегейлігі бар сұңғыла әрі асқан сабырлы кейіпкер. Сізден де осы қасиеттер байқалады. "Үшкөзді қарға" магиясына икеміңіз болуы мүмкін, тексеріп көріңіз.

Әділетті қолдап, құлиеленушілікке қарсы шыққан Дейенеристей екенсіз. Ол өзінің қаншалықты күшті екенін дотракийлерден бастап бүкіл жеті патшалыққа дәлелдеген. Солтүстік королі Джон Сноу да айдаһарлар анасынан көмек сұрап, оның алдында тізе бүкті.