Басты бетЖаңалықтарҚР Сыртқы...

ҚР Сыртқы істер министрлігі Үндістан мен Пәкістанды диалогқа үндеді

Автор: Бәрі бар
Сыртқы істер министрлігі
Фото: Sputniknews.kz

ҚР Сыртқы істер министрлігі Үндістан мен Пәкістан арасындағы әскери-саяси жағдайдың шиеленісуіне байланысты мәлімдеме жасады. Бұл туралы ведомствоның баспасөз қызметі хабарлады.

Қазақстан Үндістан мен Пәкістан арасындағы әскери-саяси жағдайға байланысты алаңдаушылық білдіреді. Қазақстан екі ел арасындағы ашық және конструктив саяси-дипломатиялық диалог қазіргі дағдарыстан шығудың жалғыз тиімді және қолайлы жолы деп санайды. Қазақстан тараптарды, ең алдымен, ахуалдың одан әрі ушығуын алдын алу үшін аймақтық және жаһандық қауіпсіздіктің негізгі мүдделеріне негізделген барынша сабырлық пен халықаралық құқық нормаларын сақтауға шақырады, — деп мәлімдеді ҚР Сыртқы істер министрлігі.

Бұған дейін Үндістанның әскери-әуе күштерінің Кашмирдегі террористер лагеріне соққы жасағаны туралы хабар тараған еді. Бұған жауап ретінде Пәкістан әскері Үндістанның 2 әскери ұшағын атып түсірді, Пәкістан тарапы Үндістан Кашмирдегі «бақылау желісін» бұзды деп есептейді. Үндістан тарапының мәлімдеуінше, Пәкістан билігі мұнда орналасқан террористерге қолдау көрсетіп отыр. Айта кетейік, Кашмир Үндістан мен Пәкістанның шекарасындағы даулы аумақта тұр.