Теңгенің нығаюына мұнай нарығындағы жағымды конъюктура себеп болды. Бұл туралы бүгін Үкімет отырысында ҚР Ұлттық банк төрағасы Данияр Ақышев айтты.
Жыл басынан бері теңгенің долларға қатысты нығаюы байқалады. 8 ақпанда теңге бағамы 1,4%-ға нығайып, бір доллар үшін 378,73 теңге болды. Бұл мұнай нарығындағы жағымды конъюнктура vty Ресей рублінің нығаюы аясында болып отыр, — деді Ұлттық банк төрағасы.
Осы ретте ол Ұлттық банк еркін өзгермелі айырбастау бағамын ұстана беретінін айтты және Ұлттық банктің нетто-интервенция көлемі қаңтарда нөлге тең болғанын еске салды.
Ұлттық банктің алтын-валюта резервтері қаңтардың соңында 30,6 миллиард доллар, Ұлттық қордың активтері 58,2 миллиард доллар болды. Жалпы халықаралық резервтер 88,8 миллиард доллар болды, — деді Данияр Ақышев.
