Мемлекет басшысының төрағалығымен Қауіпсіздік кеңесінің отырысы өтті. Бұл туралы Ақорданың баспасөз қызметі хабарлады.
Жиында Ұлттық қауіпсіздік стратегиясының іске асырылу барысы және алдағы кезеңге арналған міндеттер, сонымен бірге Қызылорда облысының әлеуметтік-экономикалық даму мәселелері қаралды. Басқосуда Ұлттық қауіпсіздік стратегиясына қатысты іс-шараларды жүзеге асыру кезінде мемлекеттік органдардың үйлесімді іс-қимылын қамтамасыз етудің маңызы аталып өтіп, осы сала бойынша алдын алу шараларын уақтылы әзірлеу қажеттігі айтылды, — делінген хабарламада.
Отырыс қорытындысы бойынша Президент бірқатар нақты тапсырма берді.