Астана әкімдігі атмосфераға зиянды қалдықтарды азайту үшін кешенді шаралар қолданады. Бұл туралы Астана әкімінің баспасөз қызметі хабарлады.
Осы күндері Астана аспаныңда қалың түтін тұр. Оның себебі ауа райының қолайсыздығы (желсіз тұман) және жер үйлердің үйді жылыту үшін көмірді жағуы, — деп хабарлады қоршаған ортаны қорғау және табиғатты пайдалану басқармасы.
Астананың атмосфералық ауасын ластаудың негізгі көздері 1, 2-ші ЖЭО және автономды қазандықтар, ластаушы заттардың жалпы шығарындыларының 95,5 % астамы құрап отыр.
Қаланың ауа кеңістігін жақсарту мақсатында бірқатар жүйелі жұмыстар атқарылған: коммуналдық шаруашылықтардың 854 техникасы газга ауыстырылған, өз көліктеріне газ орнатуға 14 мыңнан астам заңды және жеке тұлғаға рұқсат берілген. Астана әкімдігіне қызмет көрсететін 500 таксиді газға аудару бойынша меморандумға қол қойылды.
Қала әкімінің тапсырмасы бойынша «Астана қаласының 2018-2020 жылдарға арналған қоршаған ортаны сауықтыру бойынша кешенді іс-шаралар жоспары» жасалып бекітіліп, «Астана қаласында газ тарату желілерінің құрылысы және тұрғын алаптары мен жеке секторды табиғи газга ауыстыру бойынша жол картасы» әзірленген. Газдандыру станциясы іске қосылды. Оған «Назарбаев Университеті», Ғарыш орталығы академиясы, Қорғаныс министрлігі қосылған.
Әкімдік «Астана қаласының 2030 жылға дейінгі төмен көміртекті даму стратегиясын» жасап жатыр. Ол парниктік газдар шығарындыларын азайту бойынша халықаралық міндеттемелерді орындауға және энергия үнемдеу мәселелерін шешуге мүмкіндік береді.
Қазақстан астанасының ауа бассейнінің жай-күйі халықтың тіршілік етуі үшін экологиялық тұрғыдан қолайлы ретінде сипатталады.
