Бұл туралы Инстаграм парақшасында ҚР Ұлттық Паралимпиада комитетінің президенті Қайрат Боранбаев хабарлады.
7-18 қыркүйек аралығында Рио Паралимпиадасында спорттың 22 түрінен 528 медаль жиынтығы сарапқа салынады. Қазақстан Паралимпиада спорты тарихында алғаш рет 11 жолдама жеңіп алып, спорттың бес түрінен ел намысын қорғайды.
Қазақстанның паралимпиада құрамасының құрамы:
- Гүлбану Әбдіқалықова — пауэрлифтинг (Алматы қ.)
- Вадим Дукарт — пауэрлифтинг (Ақмола обл.)
- Раушан Қойшыбаева — пауэрлифтинг (Алматы обл.)
- Әнуар Ахметов — жүзу (Астана)
- Роман Агалаков — жүзу (ОҚО)
- Зульфия Ғабидуллина — жүзу (Жамбыл обл.)
- Наталья Звягинцева — жүзу (Қарағанды обл.)
- Әнуар Сариев — дзюдо (Атырау обл.)
- Аманат Қалкаев — жеңіл атлетика (Алматы қ.)
- Александр Медведев — садақ ату (Павлодар обл.)
- Құралбай Орынбасар — дзюдо (ОҚО).
Еске сала кетейік, Лондондағы паралимпиада ойындарына қазақ елінен 7 спортшы 3 спорт түрінен өнер көрсеткен болатын. Оның ішінде үшеуі үздік ондыққа кірді.
