Астана әкімі Бақыт Сұлтанов аппарат кеңесінің отырысында әдеп жөніндегі уәкіл қызметіне тағайындалған Руслан Сегізбаевты таныстырды.
Астана әкімінің баспасөз қызметінің хабарлауынша, Руслан Сегізбаев 1976 жылдың 27 қыркүйегінде Алматыда дүниеге келген. 1998 жылы Қазақ мемлекеттік басқару академиясын, 2008 жылы Еуразиялық нарық институтын тәмамдаған. Еңбек жолын 1999 жылы ҚР Статистика агенттігінің ауыл, орман және су шаруашылығы статистикасы басқармасы сараптама және есептік жұмыстар бөлімінің жетекші маманы ретінде бастаған.
2007 жылы ҚР Статистика агенттігінің ұлттық есеп жүргізу департаменті экономикалық баланс және құрылымдық статистика басқармасы құрылымдық статистика бөлімінің басшысы қызметіне тағайындалды. 2009 жылы ҚР Статистика агенттігінің тіркелімдер мен топтастыру департаменті әлеуметтік тіркелімдер басқармасының бас сарапшысы қызметін атқарды. 2012 жылы ҚР Президенті әкімшілігі Стратегиялық әзірлемелер мен талдаулар орталығының сарапшысы қызметіне тағайындалды.
2014 жылы ҚР Премьер-министрі орынбасарының кеңесшісі, сол жылдың қазанында ҚР Қаржы министрлігі есептілік және статистика департаменті директорының орынбасары болды. 2016 жылы ҚР Қаржы министрлігі Стратегиялық даму департаментінің директоры қызметіне тағайындалды. 2017 жылдың шілдесінен осы кезге дейін ҚР Қаржы министрлігі Персоналды басқару және стратегия департаментін басқарды.