31 қазанда ауа райы қандай болады?

Еліміздің оңтүстігінде желдің күшеюіне байланысты ескерту жарияланды.

«Қазгидромет» РМК мамандарының мәліметінше, 31 қазан күні атмосфералық фронттардың өтуіне байланысты Қазақстанның басым бөлігінде тұрақсыз ауа райы сақталады, жауын-шашын болады, республиканың батысында ғана жаңбыр жаумайды. Кей жерлерде жел күшейіп, тұман түседі, көктайғақ, бұрқасын болады.

Шығыс Қазақстан облысында жаяу бұрқасын болып, тұман түседі, көше-жолдар көктайғақтанады, 15-20 м/с жел соғады.

Ақмола облысында тұман түсіп, көктайғақ болады, түнде және таңертең 15-20 м/с жел соғады, бұрқасын болады.

Қарағанды облысында көктайғақ, бұрқасын болады, 15-20 м/с жел соғады. Солтүстік Қазақстан облысының басым бөлігінде жел күшейеді, екпіні секундына 15-20 метрге жетеді, кей жерлерде жаяу бұрқасын болады.

Жамбыл облысында таңертең және күндіз тұман түседі, күндіз жел күшейеді. Қызылорда, Павлодар, Алматы, Түркістан облыстарында тұман түседі, күндіз жел екпіні секундына 15-22 метрге дейін күшейеді.

Маңғыстау облысында түнде тұман түседі. Атырау облысының түнде көктайғақ болады. Жамбыл, Қызылорда, Қостанай облысында ауа райының қолайсыз болуына байланысты ескерту жарияланды.