Бүгінде қалада балалар мен үлкендерге арналған аттракцион, қысқы спорт түріне арналған шаңғыроллер тас жолы, басқа да көптеген жасыл қоршаулары бар инфрақұрылымы дамыған 11 саябақ бар.
Бұдан бөлек 98 гүлзар құрылды, оның 14-і ескі сүрілген үйлер мен жатақхананың орнына салынған. Астана тұрғындары мен қонақтары арасында барлық жыл мезгілінде серуендеуге болатын Ботаникалық саябақ, Жерұйық, Жетісу, Астаналық және Студенттер саябағы, Кемал Ататүріктің ескерткіштері кеңінен танымал.
2017 жылы 436 аула абаттандырылды, 21 спорттық, 23 тренажер алаңы, 6 гүлзар мен желекжол түріндегі қоғамдық кеңістік салынды. Соңғы екі жыл көлемінде аулалардың барлығы көркейтіледі.
