Кездесу диалог форматында өтті. Спикерлерге әр қатысушы сұрақтарын тікелей қойып, ұсыныстарын жеткізді.
Мемлекет басшысы Жолдауында бизнес-ахуалды, әсіресе, өңірлік деңгейде жақсартуға көп көңіл бөлді. Бұл — сөзсіз, кәсіпкерлікті дамытуға жақсы көмек. Жыл басынан бері қолданыстағы шағын орта бизнес субъектілерінің саны 8,9%-ға артып, 105,8 мың болды. Шағын орта бизнес субъектілерінің бюджетке салық түсімі шамамен 297,2 миллиард теңге болды. Бұл — жалпы салық түсімдерінің және төлемдерінің 45%-ы, — Ермек Аманшаев.
Еске салайық, Астана бизнесті жүргізу бойынша ең жеңіл субұлттық рейтинг жеңімпазы атанып, Мемлекет басшысының арнайы марапатын алды. Сонымен қатар 2050 жылға дейін ЖӨӨ-дегі шағын орта бизнестің 50% үлесін қамтамасыз ету бойынша Елбасының тапсырмасын уақытынан бұрын орындады.