ForteBank
Фото: ForteBank

Кеше Қызылордада ForteBank-тің жаңа филиалы салтанатты түрде ашылды. Жаңа нысанның тұсаукесеріне Қызылорда облысының әкімі Қырымбек Көшербаев және ForteBank басқармасының төрағасы Гурам Андроникашвили қатысты.

Қызылорда облысының әкімдігі мен ForteBank арасында ынтымақтастық туралы Меморандумға қол қойылды, соған сәйкес жыл соңына дейін 12 жоба қаржыландырып, жүзеге асырылады.

Фото: ForteBank
Фото: ForteBank

Елбасының тапсырмасы аясында Қызылорда облысында жаппай кәсіпкерлікті дамыту бойынша ауқымды жұмыс жүргізіліп жатыр. Аймақтағы бизнесті дамытуда еліміздің ең тұрақты әрі қарқынды дамып келе жатқан банктерінің бірі ForteBank те маңызды рөл атқарады, – деді Қызылорда облысының әкімі Қырымбек Көшербаев рәсім барысында.

Сонымен қатар аймақ басшысы филиалдың жаңа кеңсесі қызмет көрсету сапасын жақсартып қана қоймай, қала үшін қайталанбас сәулет келбетін беретінін атап өтті.

ForteBank еліміздің барлық өңірінде жаңа форматтағы жоғары технологиялық бөлімдерді ашуды жалғастырып жатыр. Біздің кеңселеріміз The Financial Brand басылымының нұсқасы бойынша әлемдегі банк бөлімшелерінің үздік дизайндарының қатарында атап өтілді. Біз жаңа сервистерді құра отырып инновациялар мен технологияларға үлкен көңіл бөлеміз, кезекті барынша азайтуға және банкпен тұтынушылардың өзара іс-қимыл жасау үдерісін барынша жайлы етуге тырысамыз, –  деді ForteBank басқармасының төрағасы Гурам Андроникашвили.

Фото: ForteBank
Фото: ForteBank
Фото: ForteBank
Фото: ForteBank

Қонақтар жаңа кеңсені аралап көрді. Ғимараттың тұжырымдамасы мен стилін Dinn итальян дизайнерлік компаниясының кәсіби мамандары әзірлеген. Бөлімшелердің басты ерекшелігі – клиенттерді кезекте күтуден арылтатын қолайлы өзіне-өзі қызмет көрсету аймақтары. Барлық қажет қызметті мобильдік қосымшаның көмегімен жасауға мүмкіндік бар, бұл барлық пайдаланушылар үшін ашық.

Кез келген банктің клиенті бола отырып ForteBank қосымшасын жүктеуге, тіркелуге және банктің барлық қызметін пайдалануға болады.

Банктің облыстық филиалы клиенттерінің 30 000-нан астамы жеке тұлғалар болса, 2000-ға жуығы кәсіпкерлер. ForteBank – “Бизнестің жол картасы 2020” бағдарламасының белсенді қатысушысы, ал Қызылорда облысындағы филиал бөлінген қаражатты игеру қарқыны бойынша бірнеше рет көшбасшы үштігіне кірді.

Фото: ForteBank
Фото: ForteBank

2017 жылдың қорытындысы бойынша филиал мақұлданған жобалардың саны мен сомасы бойынша облыстағы екінші деңгейлі банктер арасында екінші орынға ие болды. 2018 жылы филиал 300 миллион теңгеге 9 жобаны қаржыландырды. Қазір жалпы құны 1 миллиард теңгеден асатын 12 жоба бар. Олар осы жылдың соңына дейін қарастырылып, іске асырылмақ.

Біздің Telegram-каналымызға жазылыңыз!