Басты бет Жаңалықтар Сауль «Канело» Альвареске әлем чемпионы атағы берілмейді — IBO

Сауль «Канело» Альвареске әлем чемпионы атағы берілмейді — IBO

Геннадий Головкин әлем чемпионы атағын қайтарып алуы мүмкін.

Геннадий Головкин мен Сауль "Канело" Альварес арасындағы жекпе-жек. 2018 жылдың 15 қыркүйегі, Лас-Вегас. Фото: The Washington Post

Халықаралық бокс федерациясының (IBO) президенті Эд Ливайн мексикалық Сауль «Канело» Альварестің Геннадий Головкинмен болған реваншта жеңгеніне қарамастан IBO нұсқасы бойынша әлем чемпионы белбеуін ала алмайтынын мәлімдеді.

«Альвареске расында да IBO нұсқасы бойынша әлем чемпионы атағы берілмейді. Біз онымен санкциялық келісімге келе алмадық. Енді бос тұрған титул үміткер екі спортшы арасында сарапқа салынады. Үміткердің бірі Геннадий Головкин болуы әбден мүмкін, өйткені ол осы дивизиондағы рейтингте бірінші орында тұр», — деді Эд Ливайн

Еске салайық, Лас-Вегаста мексикалық боксшы Сауль “Канело” Альвареспен (50-1-2, 34 КО) есе қайтарысу кездесуінде Геннадий Головкин жеңіліс тапқан еді. Реванш 12 раундқа созылды, төрешілердің шешімімен Сауль “Канело” Альварес жекпе-жек жеңімпазы атанды. Ол қазақстандық боксшының WBC, WBA (Super) және IBO нұсқалары бойынша әлем чемпионы деген атақтарын иеленді.

Жекпе-жектен кейін бұқаралық ақпарат құралдарында Сауль «Канело» Альварестің чемпион атағын ала алмайтыны туралы ақпарат тараған болатын.

Бірінші болып пікір қосыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!

Exit mobile version