Азиада-2018: қазақстандықтардың 31 тамыз күнгі жетістігі қандай?

Жалпыкомандалық есепте Қазақстан 9-орынға көтерілді.

Индонезияда өтіп жатқан Жазғы Азия ойындарында Қазақстан спортшылары үшін 13-жарыс күні аяқталды.

31 тамыз күні ұлттық құрама төрт медаль жеңіп алды: бір алтын және үш қола. Алтын медаль иегері — самбошы Бағлан Ибрагим, қола жүлдегерлер — дзюдошы Гүлжан Исанова, самбошылар Айжан Жылқыбаева мен Бейімбет Қанжанов.

Бүгінгі жарыс күнінен соң Қазақстан құрамасы медальдарының саны 64-ке жетті: 12 алтын, 11 күміс және 41 қола.

Жазғы Азия ойындары 2 қыркүйекте аяқталады. Қазақстанның атынан мұнда 440 спортшы қатысып жатыр, олар спорттың 25 олимпиадалық түрінің 37 сыны бойынша бақ сынайды.

ДереккөзSports.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз