Азиада-2018: Дмитрий Алексанин алтын алды

Жазғы Азия ойындарында Қазақстанның қоржынына алғашқы алтынды шпагашы Дмитрий Алексанин салды.

Бұл туралы ҚР ҰОК баспасөз қызметі мәлімдеді.

Үш кезең бойы есепте алда тұрған Дмитрий Алексанин соңғы кезеңде Рио Олимпиадасының чемпионы Сан Ен Пакпен тең түсті. Финалдық бәсекеде қазақстандық спортшы Сан Ен Пакты жеңіп, Азиада чемпионы атанды.

Бұған дейін жартылай финалда Алексанин Лондон Олимпиадасының қола жүлдегері, Азия ойындарының төрт дүркін чемпионы Джунг Джинсунды жеңген болатын.

Айта кетейік, жазғы Азия ойындары Индонезияда өтіп жатыр.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз