Іс-шараға Қазақстан Республикасының діни бірлестіктерінің жетекшілері мен өкілдері, Қазақстан Республикасының Ұлттық мұрағаты және Мәдениеттер мен діндердің халықаралық орталығы қатысты.
Өз сөзінде Еркін Оңғарбаев Астананың жетістіктерінің маңыздылығын айтып, «Астана күні — Қазақстан Республикасының мемлекеттік мерекесі» екенін атап өтті.
«Биыл Астана 20 жасқа толып отыр. Бұл мереке әлеуметтік-саяси маңызға ие және Қазақстан халқы үшін ұлттық мереке. Біздің Елбасы Нұрсұлтан Назарбаевтың бірегей саясаты мен қамқорлығының арқасында Астана заманауи брендке айналды», — деді ол.
«Нұр Астана» орталық мешітінің бас имамы Асқар Мұқанов: «Қазақстанда бейбітшілік пен келісімді қамтамасыз ету тәжірибесі Астанадағы мәдениеттер мен әлемдік діндер диалогын ұйымдастыруға мүмкіндік берді. Астана — бейбітшілік пен келісімнің қиылысы, бейбіт келіссөздер мен әлемдік діндер диалогы алаңы», — деп пікір білдірді.
Астана діни ауданының өкілі Дмитрий Байдек Қазақстан халқын құттықтап, Астана дінаралық үнқатысудың астанасы екенін атап өтті.
«Әлемдік және дәстүрлі діндер көшбасшылары осы күзде Астанадағы рухани саммитке алтыншы рет жиналады. Қазақстан халқы бүкіл әлемге бірлік пен діни төзімділікті көрсетті. Қаланың қарқынды дамып келе жатқаны жақсы. Бұл қала еліміздің алдыңғы қатарында, барлық қалаларды біріктіріп, жаңа жетістіктерге шабыттандырады», — деді Байдек.
Қазақстандық діни бірлестіктердің өкілдері Астананың халықаралық диалог алаңы ретінде ерекше маңызға ие болуының маңыздылығын атап өтті.
Кездесу қорытындысы бойынша діни бірлестіктердің өкілдері Астананы мерейтойымен бірлесіп құттықтады.
«Құрметті қазақстандықтар!
Біз, Қазақстан Республикасының діни бірлестіктерінің өкілдері, барлық отандастарымызды ҚР астанасы — Астана қаласының 20 жылдығымен шын жүректен құттықтаймыз!
Астана — ҚР Президентінің идеясының іске асуы — Елбасы Н.Ә. Назарбаев пен бүкіл қазақ халқының еңбегінің нәтижесі. Еуразияның орталығында орналасқан Астана орнықты даму жолдары, халықтар арасындағы өзара сенім мен өзара түсіністіктің жолдары айқындалған орынға айналды.
Астана Қазақстандағы әрбір азаматтың жүрегіне жақын және оның құндылығы ұлттық сипатқа ие. Бұл — қазақстандықтардың мақтанышы, еліміздің тәуелсіздігінің және жас мемлекетіміздің тұрақтылығы мен экономикалық өсуінің символы.
ҚР астанасы — Астана қаласының 20 жылдығын мерекелеу қарсаңында, біз, ҚР діни бірлестіктерінің өкілдері, көпұлтты халыққа денсаулық, өркендеу, махаббат пен бақыт тілейміз!
Елорда күніне орай барлық қазақстандықтарды құттықтаймыз. Астана — бейбітшілік пен келісім руханидің орталығы!
Үйіңізге, туыстарыңызға және достарыңызға бейбітшілік тілейміз! Жас Астанамыз гүлденіп, бәрімізді біріктіріп, дами беруін тілейміз!
Құдіреті шексіз Алла Қазақстан халқына оң батасын берсін! »- делінген хабарламада.