«Астана» футбол орталығы
2014 жылы «Астана» футбол орталығының жанынан құрылған «Астана» футбол клубында 1 + 1 жыл жаңа жүйесін енгізілді. Жаңа жүйе бойынша бір жастағы макроциклге жауапты жаттықтырушы басқа жастағы топтың жаттықтырушыларына көмектеседі, осылайша келесі жылы басқа жастағы топтар ауысып отырады. Өз кезегінде жаттықтырушы ойыншының жас ерекшеліктерін ескере отырып, оны үйретіп, қателіктерін түзеп, жас футболшының қабілеттерін жақсартады.
2017 жылы «Астана» ФК-да 1999 жылдан 2008 жылға дейінгілер арасында он топта жаттығулар өткізілді. Ең кіші топ биыл футбол орталығына қабылданды. Балаларды оқыту «Қазақстан Республикасында балалар мен жасөспірімдер футболын дамытудың 2012-2022 жылдарға арналған тұжырымдамасы» бағдарламасы бойынша өткізіледі. Футбол орталығының философиясы — ойыннан ләззат алу. 2017 жылы жас командалар мен академиялар арасында өткен футболдан ҚР чемпионатында 1999-2005 жылы туылғандардан тұратын 7 команда қатысты.
2000-2005 жылдары туылғандардан тұратын алты команда финалға шықты және алғашқы төрт орынды иеленді. U-9 және U-11 жас топтары Қазақстан мен Ресейдегі республикалық және аймақтық турнирлерінде бірнеше дүркін жеңімпаз атанды.
«Барыс» БЖСМ ХК
2012 жылы «Барыс» хоккей клубының балалар-жасөспірімдер мектебі құрылды. Енді Астана қаласынан және Қазақстанның басқа қалаларынан 5-тен 16 жасқа дейінгі 700-ден астам балалар спорт мектебінде хоккеймен айналыса алады. Сәтпаев, Өскемен, Қарағанды, Екібастұз, Теміртау қалаларында 2001-2005 жылдары туылған 43 хоккей ойыншысы мектеп-интернатпен қамтамасыз етілді. Толық оқыту процесі 12 жастан бастап өткізіледі. Спорт мектебінің әкімшілік-басқару құрылымы — 40 адам. Мектепте білікті жаттықтырушы және профессор-оқытушылар құрамы бар, олар үнемі біліктілігін арттырып отырады. Клуб барлық қажетті инфрақұрылымға ие. Мұнда жаттығу залдарымен қатар, республикалық және халықаралық жарыстар, ойындар мен спорт залдары, гимнастика-акробатика, пластикалық мұзбен лақтыру алаңы, медициналық бөлімдер бар.
2016-2017 маусымында «Барыс» балалар спорт мектебі Қазақстандағы ең үздік хоккей мектебі деп танылды.
«Астана» баскетбол академиясы
Сонымен қатар, «Астана» баскетбол академиясы мен «Астана» баскетбол клубы жұмыс істейді. Мұнда дәрістер білікті мамандардың жетекшілігімен Назарбаев Университетінің спорт орталығында өткізіледі. Академияның негізгі міндеті республикада баскетболды дамыту үшін берік іргетас қалыптастыру. Мұнда оқыған жастар кейін жоғары спорттық білім алуға ие болады. Баскетбол академиясы Қазақстанда ешқандай аналогы жоқ бірегей кәсіби паркетті едені бар заманауи спорт залымен жабдықталған.
Биыл еліміздің алты дүркін чемпионы атанған елордалық баскетбол клубында 7 жастан 14 жасқа дейінгі 300-ге жуық бала жаттығу үстінде. Келесі жылы баскетбол академиясының жоспарларында ұлттық және халықаралық жарыстарға қатысу бар.
«Астана» кәсіби спорт клубы Қазақстан Республикасының Президенті Нұрсұлтан Назарбаевтың бастамасымен 2012 жылдың қарашасында құрылды. Клуб қызметінің негізгі мақсаты — жоғары жетістіктерге жететін кәсіби спортшыларды дайындау, кәсіби спортты дамыту және нығайту, сондай-ақ халықаралық аренада Астананың имиджін насихаттау және танымал ету.
