1. Қолтаңбаның үлкендігі
А) шамадан тыс үлкейтіп қою – жүйелік ойлау қабілеті терең адамдар. Көбінде мұндай адамдар дипломатиялық жұмыстарға жақын болады. Негізгі қасиеттері: іскер, өзіне сенімді, айтқанынан қайтпайтын жандар;
Ә) шағын – қандай да бір ақпараттарды белгілі бір шекара төңірегінде ойлайтын адамдар. Мұндай адамдар бас қатыратын жұмыспен айналысқанды ұнатпайды. Шығармашылдыққа жақын адамдардың көбі қолды осылай қояды.
2. Қолтаңбасының ұзақтығы
А) барынша созылыңқы –- мәселелергедің мән-мағынасына тереңірек қарайтын адамдар; Мұндай адамдар шыдамды, сабырлы және энергиясы мол болып келеді.;
Ә) қысқа – мәселенің төркінін бірден анықтайды. Бір іспен ұзақ айналысқанды ұната бермейді және жылдам ойланып, дереу шешім қабылдайды. Қимылдары шапшаң болады.
3. Қолтаңбасының түрі
А) дөңгелек – мінезі жұмсақ, өте мейірімді, салмақты, қолы ашық;
Ә) әріптерінің бұрыштары үшкір болса – шыдамсыз, сабырсыз, қатал, тәуелсіз, қыңыр адамдар;
4. Әріптерінің ара-қашықтығы
А) әріптер бір-бірінен алыс орналасса, қолда барын өзгеден аямайтын жомарт жандар;
Ә) әріптері бір-біріне тығыз орналасса – өте үнемшіл, сараң (әсіресе, әріптер кішкене болса). Әдетте мұндай адамдар экономика саласына жақын болады.
5. Қолтаңбаны қоюдағы қосымша элементтер
А) дөңгелек – үлкен мәселелер мен идеялардың төңірегінде қалып қою;
Ә) ирек сызықтар – қыңырлық пен байқағыштық;
Б) суреттер – шығармашылық қабілеттері басым.
6. Қолтаңбаның қағаз бетінде орналасуы
А) сол жаққа еңкейіңкі – өз-өзін өзгелерге таныта білетін және қоғамдағы пікірлермен келісе бермейтін адам;
Ә) оң жаққа еңкейіңкі – барлығына түсіністікпен қарау, мінездің тұрақтылығы;
Б) әріптер тік орналасса – ұстамдылық, ақыл, қайтпас қайсарлық;
В) Қолтаңбаны әр кез әр түрлі бағытта қоятындар – тұрақсыздық пен зымияндық;
Г) жатыңқы орналасқан әріптер – маңызды психологиялық ауытқуларды білдіреді.
7. Қолтаңбаның бағыты
А) жоғары – оптимизм;
Ә) төмен – пессимизм;
Б) біркелкі – тұрақты мінез.
8. Соңғы таңбаның ұзақтығы
А) соңғы таңбаның қысқалығы талғамсыздықты көрсетсе, керісінше ұзарта түсетін адамдар байқампаз, жан-жағын үнемі бақылап жүретін жандар.
9. Қолтаңбаның астын сызу
А) төменгі бөлігін – кекшілдік, өзін-өзі жақсы көру, өзгелердің пікіріне тәуелділік;
Ә) жоғарғы бөлігі – мақтаншақтық, атақ-абыройды сүю.
Б) қолтаңбаның өзін сызу – өз-өзіне көңілі толмаушылық.
10. Симметрия
А) симметриялы – адалдық;
Б) симметрияға мән бермеу – тұрақсыздық,
11. Күрделілігі мен қарапайымдылығы
А) қарапайым – бұл адам «менде қиыншылықтар жоқ» ұстанымымен өмір сүреді;
Ә) күрделі – түймедейді түйедей етуге құмар жандар;
Б) ерекше – шығармашылық белсенділігі зор7
12. Түсініктілігі
Қолтаңбасы түсініктірек болған сайын, ол адамның мінезі ашық жарқын келеді.
13. Қаламды ұстауы
А) тым қатты ұстап жазатындар – ашуланшақ;
Ә) солғын – жұмбақ жандар, құпиялылық;
Б) қатты батырып жазу – өзіне деген сенімділік.
Енді алдарыңызға қолтаңбаның кейбір үлгілерін берейік. Психологтың айтқанын ескере отырып, өз мінездеріңді анықтаңыздар.
- Жоғары қарай көтерілген қолтаңба адамның ширақ, оптимист, қозғалғыш екенін көрсетеді.
- Тігінен жазылған қолтаңба адамның тұрақты, салмақты екенін көрсетеді
- Төмен қарай түсірілген ол адамның пессимист екенін, сенімсіздігі басым, өмірге және жұмысына қанағаттанбайтындығын білдіреді.
- Ірі әрі жайлып қойылған қолтаңба адамның өзімшілдігі басым , күнделікті қарапайым өмірмен көп келіспейтіндігін көрсетеді.
- Фамилиясының бастапқы әрпімен басталатын қолтаңба қарапайымдылықты көрсетеді.
- Қолтаңбаның басында адамның атының бастапқы әрпі, содан кейін фамилиясы тұрса, онда іскер, жауапкершілігі мол, ойшыл деп түсініңіздер.
- Алдыңғы әрпі түсініксіз болса, онда ол адамның тұйық, сенімсіздігі көп, досты таңдай білетіні көрінеді.
- Егер де қолтаңбада біркелкі штрихталған әріптердің қайталануы көп болса, онда сіз өте белсендісіз, әртүрлі қызметтен өзіңізге керегін дұрыс таба аласыз.
- Қолтаңбада қосымша элементтер болса (штрихтер, ілмектер, өрнектер), онда сіздің тапқырлығыңыз басым.
- Қолтаңбаңыздағы бастапқы әрпіңіз не қолтаңбаңыздың түгел әрпі қисынсыз әрі өте көп әшекейленсе, онда сізде эгоизм, өзімшілдік басым болғаны.
- Ешқандай көркемдеусіз қойылған қолтаңба – адамның тәрбие көрген , мәдениетті екенін білдіреді.
- Қолтаңбаңыз тіке келіп соңында төменге қарай ширатылса, онда сіз белсенді, тәуекелге баратын, батыл, қарамаңыздағы адамдарға қатал болғаныңыз.
- Қолтаңбаңыздағы соңғы сызығы бастапқы әріпке қайта қосылса, ол қолтаңба иесінің эгоист, ешкімге сенбейтін. Тұйық адам екенін білдіреді.
