Темекі қымбаттады

Жыл басынан бері елімізде темекінің бағасы 9,8%-ке өсіп, мамыр айында орташа бағасы 373 теңгеге жетті. Мамандардың айтуынша, баға әлі тұрақтамайды.

Қазақстан бойынша ең қымбат темекі Жезқазғанда сатылып жатыр. Онда бір қорабына 393 теңге сұрайды. Бұл өткен жылмен салыстырғанда 8,3%-ке көп. Ал Ақтауда бұл баға 390 теңгені, Көкшетауда 385 теңгені құрайды. Ал Таразда темекі бағасы жыл басынан бері 16,6%-ке өсіп, 380 теңгеге жеткен.

Темекінің бағасы әлі де өсе береді. 2017 жылдың 25 қыркүйегінде Үкімттің №587 қаулысы бойынша 2007 жылы қабылданған №260 «Фильтрлі, фильтрсіз сигареттерге және папиростарға ең төмен бөлшек сауда бағаларын белгілеу туралы» қаулысына өзгеріс енгізілген еді.

Осыған байланысты 2018 жылыдң 1 қаңтарынан бастап еліміздегі бір қорап темекінің бағасы 340 теңге болды. Ал 1 шілдеден бастап ол 360 теңгеге, 2019 жылдың 1 қаңтарынан бастап 380 теңгеге дейін көтеріледі.

 

ДереккөзEnergyprom.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз