Сайлаушылардың 86,09 пайызы Ильхам Алиевке дауыс берген. Бұл 2013 жылы өткен сайлаудағы көрсеткішке қарағанда 1,5 пайызға көп.
Мазахир Панаховтың айтуынша, сайлау республиканың 125 сайлау округінде өткен. Әзербайжандағы BBC қызметі кейбір учаскелерде бақылаушылар болмағанын және көптеген бюллетен жәшікке бірден салынғаны камераға түсіп қалғаны туралы хабарлады.
Орталық сайлау комииссиясының төрағасы бұл ақпаратты теріске шығарып, жалған ақпарат екенін айтты.
Айта кетейік, Ильхам Алиев бұған дейін президент сайлауында 2003 жылы, 2008 жылы және 2013 жылы үш рет жеңіске жеткен. Ел басқарған 15 жыл ішінде ол бірінші рет жеті жылға мемлекет басшысы болып сайланды.