Головкин мем Уэйд жекпе-жегінің алдында соңғы баспасөз мәслихатын өткізді

Орта салмақтағы WBA (Super), IBO, IBF және WBC (Interim) тұжырымдарының чемпионы Қазақстандық кәсіпқой боксшы Геннадий Головкин мен америкалық Доминик Уэйд жекпе-жегінің соңғы баспасөз мәслихатынан видео пайда болды.

Кездесу 23 сәуір күні Лос-Анджелестегі «Форум» аренада өтеді. Қазақстандықтар бокс кешін 24 сәуір күні таңғы 7.20-дан бастап «Қазақстан» ұлттық арнасынан және kaztrk.kz сайтынан тамашалай алады.

Отандасымыз WBA чемпиондық белбеуін осы жолы 16-рет, IBO – 13, WBC (Interim) – 4 және IBF белбеуін алғаш рет қорғайды. Головкин бүгінге дейін кәсіпқой бокста 34 кездесу өткізіп, барлығында жеңіске жетсе, 31 қарсыласын нокаутпен жеңген. Ал оның қарсыласы Уэйд 18 жекпе-жегінің барлығында қарсыластарынан басым түсіп, 12 кездесуін мерзімінен бұрын аяқтаған.

Естеріңізге сала кетсек, Мырзағали Айтжанов Головкиннің қай раундта жеңетінін айтқан болатын.

ДереккөзBnews
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз