Геннадий Шиповских

“Мен бұрын да айтқанмын, тағы да айтамын, депутаттық сауалды тек қазақша жолдаймын, керек адам аудармашы арқылы (құлаққа салатын арнайы құрылғымен) аударып тыңдай жатар. Бұған бас қатырғым келмейді. Мен тіл мәселесін көтеруде жалғыз болмаймын деп ойлаймын. Бақытбек Смағұл, Нұртай Сәбильянов, Бекболат Тілеухан секілді көптеген азаматтар мәжіліс төрінде үнемі қазақ тіліне басымдық беріп жүр ғой. Бұл тұрғыда менің айтарым Ахмет Байтұрсыновтың «Тілі жоғалған елдің өзі жоғалады» деген сөзімен сарындас. Қазақ халқын ұйытып, ынтымағын арттырып отырған — қасиетті ана тілі! Оны сол ортада өсіп, жете түсінген мен айтпағанда кім айтады?”, – дейді жас депутат.

Сонымен бірге халық қалаулысы сұхбатқа шақырған телеарналарға қояр басты талабы — мемлекеттік тіл екенін де баса айтты.

“Сұхбатқа шақырған телеарналарға қояр басты талабым — мемлекеттік тіл.

Сауалға сол тілде ғана жауап беруге дайынмын деп ескертемін. Бұл жерде өзімнің ана тілім — орыс тілін аяққа жығып беріп отырғам жоқ, керісінше, орыстардың да қазақша сөйлей алатынын, сол тілде ойланып-толғануға олардың да шама-шарқының жететінін көрсету. Өзге қандастарыма үлгі болу. Қазақтың тілінің өркендеуіне өзімше үлес қосу. Қазақтың даласында туып, сол жерді басып жүргеннен кейін, барлық этнос өкілдері мемлекеттік тілді білуге міндетті! «Шын жыласа соқыр көзден жас шығады» деген сөз бар қазақта. Тіл мәселесі, шындап кетсек, ар-ұяттың өлшемі ғой! Дәл қазақтай мейірбан, қонақжай, ақылды, момын халық жер бетінде өте аз. Өзім соны қатты сезінемін. Жетімдіктің тақсіретін тартқанда маңдайымнан сипаған қазақ ұлтына қарыздармын. Сонда қазақ ұлтының бір қажетіне жараймын деп ант еткенмін. Қазір сол ұстанымды серік етіп келемін. Елбасының өзі халыққа Жолдауында 2020 жылға қарай барша қазақстандықтар қазақ тілінде сөйлейтін болады деген ой айтты. Оған да санаулы жыл қалды. Сондықтан тіл мәселесінде талапты күшейтіп, елбасына қолдау көрсетуді азаматтық парызым деп ұғынамын”, – деп қорытындылады Геннадий Шиповских.

Айта кетейік, Геннадий Шиповских Қазақстан халқы Ассамблеясының ХХІІ сессиясында елбасы алдында мемлекеттік тілде сөз сөйлеп, өзге этнос өкілдеріне қазақ тілінің қадір-қасиетін танытып, оны құрметтеуге шақырып, елдің ризашылығына бөленген болатын. Қазақтың тілін мақал-мәтелмен өрнектеп, астарлап сөйлеуге деген шеберлігі жас депутаттың мерейін өсіргендей көрінеді.

9 пікір

  1. Жарайсың азаматым. Саған да қазақ халқы қарыздар болып қалмас. Парламенттегі мәңгүрттерди осылай емде Гене алға! !!

  2. Қазақтар тек казакша соилесе керемет болар еді бул мәселе. Жәи маселе емес өте курделі мәселе. Кибір дипутаттар қазақша шақ сөилеиді оған куә өзіміз, телидидар алдында мынқылдап турады. РЕНЖЕМЕНІЗДЕР БІРАК СЫН ТУЗЕЛМИ МІН ТУЗЕЛМЕС дит қазақта. ҚАЗАҚ ЕЛІ ҚАЗАҚ ЖЕРІНДЕ ТУҒАН ҚАЗАҚ БАЛАЛАРЫ КӘЗІР ОРЫСША СӨИЛЕИТ КИІН НЕ БОЛМАҚ БҰЛ ӨЗ АНА ТІЛІМІЗДІ ТІРІДИ ЖЕРГЕ КӨМГЕНІМІЗҒОИ. Бұл сөзім асып аитқан асылық емес , оиында оты барлар асылық демес.

    • Дұрыс бауырым,қазақтың жақсылығын ұмытпа,Алла сеніде ұмытпайды.Көзіме жас келіп кетті сөзіңнен.

  3. Шала қазақ немесе дүмше молда секілді билік басындағы тұлғаларға алтын сырға. Орыс ұлтының өкілі өз отанының мемлекеттік тіліне қолдау көрсеткеніне қарамастан, өзге тілде сөйлегендеріңе жол босын. Əліде уақыт бар қазақ тілінің мәртебесін көтеруге, ОЯН ҚАЗАҚ !

  4. Ризамын Гена сен сияқты жастар көп болсын !!!!!!!!
    Қазак тілі, Казакстаным мәңгі жасасын!!!!!!!!!

Пікір қосу

Қалдыратын пікіріңізді осында жазыңыз!
Есіміңізді жазыңыз!