Атыраудан Франкфуртқа ұшу уақыты 5 сағатты құрайды. Ұшу Lufthansa-мен кодшеринг туралы келісімі аясында жасалады.
Ричард Леджер, «Эйр Астана» әуекомпаниясының маркетинг және сату жөніндегі вице-президенті: «Біз аймақтағы корпоративтік клиенттеріміздің саяхатын ыңғайлы ететін жаңа бағыттың ашылуы туралы қуана хабарлаймыз. Көмірсутек секторы үшін Еуропа мен Азияның шекарасында орналасқан Атырау қаласы ерекше маңызды. Сондай-ақ, Lufthansa компаниясымен бірлескен ұшу туралы келісімшарттың кеңеюіне қуаныштымыз, ол жолаушыларға Lufthansa жаһандық ұшу желісіне қол жеткізуге мүмкіндік береді», — дейді.
Өткен жылдың наурыз айында Астана мен Франкфурт арасындағы кодшеринг келісіміне қол қойылған сәттен бастап, «Эйр Астана» Франкфурттегі 1-терминалына рейстерін ауыстырды, бұл екі әуекомпания арасындағы рейс арасындағы түйісу уақытын қысқартты.
Атырау-Франкфурт рейсі — Франкфурт және Қазақстанды байланыстыратын үшінші бағыт, Астанадан күнделікті рейсімен және Оралдан апта сайын рейсімен қоса. Сондай-ақ, жолаушыларға аптасына Алматы мен Франкфурт арасында кодшеринг келісімі аясында Lufthansa-мен орындалатын жеті рейс қол жетімді.