Астана қаласының және Қазақ ұлттық өнер университетінің 20 жылдық мерейтойына орай 22 ақпан күні сағат 19.00-де «Қазақстан» орталық концерт залында «Айман Мұсақожаева ұсынады…» концерті өтеді.
Әлем мәдениетінің орталығы саналатын АҚШ, Италия, Швейцария, Ресей мемлекеттерінде кәсіби шеберлігін шыңдаған солистер — Владимир Дё, Сергей Васильев, Анель Шакирова, Павел Романенко, Айша Досумова, Эльдар Сапараев, Анна Мещерякова, Мадина Капеу-Коханова мен Ордабек Дүйсен.
Классика кеште «Академия солистов» мемлекеттік оркестрінің сүйемелдеуімен ұлы классик композиторлар — П.И. Чайковский, А. Вивальди, А. Пьяццолла, В.А. Моцарт, Ф. Мендельсон шығармалары орындалады. Көркемдік жетекшісі — Қазақстанның Халық әртісі Айман Мұсақожаева. Дирижер — танымал музыкант, педагог, скрипкашы Эдуард Шмиддер (АҚШ) .
