Оның айтуынша, Қазақстанда білімнің көп саласы дамымаған. Оған біздің мүмкіншіліктеріміздің аздығы басты себеп. Сондықтан халыққа, экономикаға қажет білім салаларын дамыту керек, тіпті ғылымға қаржы құю механизмін өзгерту керек.
Шетелдік тәжірибені үйренер алдында көп жағдайда ұлттық ерекшелік пен еліміздің қажеттіліктері ескеріле бермейтіндігін ғалым баса айтты.
«Оны дамыту мүмкін емес. Бірақ дегенмен шетел айтты екен деп, артынан жүре бергеніміз дұрыс емес. Өйткені ең алдымен біз қазаққа не керек, соны ұғып алуымыз қажет. Бізге қандай ғылым керек? Қандай бағыт? Қандай технология керек бізге? Сондықтан анау айтты, мынау айтты екен деуге болмайды», — деді академик Асқар Жұмаділдаев.
Еске сала кетейік, үш тілді білім беру жүйесі туралы айтыла бастаған соң, ата-аналар қауымы бұл өзгеріске қарсылық танытқан болатын.