30 қаңтарға арналған ауа райының болжамы

Бүгін еліміздің кей аумақтарында жел күшейіп, тұман түседі, оңтүстігінде көктайғақ, шығыста бұрқасын болуы ықтимал, деп хабарлайды «Қазгидромет».

Оңтүстік Қазақстан, Қызылорда облыстарының кей жерлерінде тұман түсіп, көктайғақ болады. Жылдамдығы 15-20 м/с болатын жел тұрады.

Шығыс Қазақстан облысының бірқатар аудандарына тұман түсіп, бұрқасын болады, 15-20 м/с жылдамдықтағы жел соғуы ықтимал.

Алматы облысының Жалаңашкөл ауданында желдің ұйытқуы — 20-25 м/с болады, түнде кей жерлерде тұман түсуі мүмкін.

Жамбыл, Ақмола облыстарында түнде жел күшейеді (15-20 м/с), Жамбыл облысында тұман түсуі ықтимал.

Қостанай, Солтүстік Қазақстан, Павлодар, Қарағанды облыстарының кей жерлерінде тұман түседі.

Алматы облысында қатты аяз сақталады, Жамбыл, Маңғыстау облыстарының бірқатар жерлерінде де суық болуы ықтимал.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз