Жууға болмайтын және міндетті түрде жуу қажет 3 өнім

Жууға болмайтын өнімдер

1. Тауық еті
Көп адам ас әзірлеуден бұрын етті міндетті түрде жуу керек деп есептейді. Бұл бактерияларды жояды-мыс. Шындығында, тауық етін жуу кезінде оны ешқандай бактериядан тазарта алмайсыз. Керісінше, сумен шашыраған зиянды заттар раковинаға, ыдыстарға жұғып қалады. Тауық етінде болатын, ең көп тараған бактерия «сальмонелла» деп аталады. Оның себебінен диарея, іш аурулары, қызудың көтерілуі тәрізді аурулар пайда болады. Бұл симптомдар 4 күннен 7 күнге дейін созылуы мүмкін. Мұндай зиянкес бактериялар 165 градусқа дейінгі температурада өздігінен жойылады. Сол себепті тауық етін жуудың қажеті жоқ.

2. Жұмыртқа
Фабрикадан шыққан жұмыртқаның қабығын қорғаныс қабатымен қаптайды. Бұл қабат оны бактериялардан қорғайды әрі басқа азық-түліктерге тараудан сақтайды. Сол себепті де жұмыртқаны жуудың қажеті жоқ, зиян болуы мүмкін.

3. Балық 
Тауық етіндегі тәрізді балықты да сумен жуып, бактериялардан тазарта алмайсыз. Керісінше кеңінен таралуына жағдай жасайсыз.

Міндетті түрде жуу керек азық-түліктер

1. Банкаларды ашардан бұрын
Консервілерді жумай тұрып ашпаңыз! Банкалардың қақпағында бірнеше қабатты шаң мен көзге көрінбейтін микроорганизмдер болады. Оларды сумен кетірмей ашатын болсаңыз, зиянкестер тағамыңызға түсуі бек мүмкін. Бұл улану мен гельминтоз ауруына алып келеді.

Сондай-ақ консерванттардан тазарту мақсатында банканың ішінде болған тағамды да жуу артық болмас.

2. Қабығымен бірге желінетін жеміс-жидектер
Жеміс-жидектерді жуу арқылы бактерияларды ғана кетіріп қоймайсыз, супермаркет, базарларда оларға жағылған консерванттардан да арылтасыз. Жуылған жеміс-жидекті сүртіп, кептіріп барып жеуді де ұмытаңыз.

3. Қабығы аршылатын жеміс-жидектер
Банан, қауын, лимон, апельсин тәрізді сырты алынатын жеміс-жидектердің де сыртын жуу керек екенін ескеріңіз. Оларды турау кезінде бактериялар жемістің жұмсағына да таралуы мүмкін.