«Ерболат Беделxанға айтарым: Он жылдан астам таңдаған жолынан жаңылады, табанды еңбек етіп, бір күн көл, бір күн шөл болатын нәсібін бүкіл тобына жұмсап жүрген Ерболатқа орнымнан тұрып қол соғам. Оған да кезінде қанша адам лап беріп, «мына істеп жүргенің қате» деген еді, ол өзінің мақсатынан бас тартқан жоқ. Біржақты қыңырлық, стереотиптік сана-дамудың жолы емес. Әсіресе өнерде!», — деп жазды Дана Нұржігіт.
Бұдан кейін тележүргізуші Ринат Зайытовтың өктем сөздеріне сабырлық танытқан Ерболатты қолдайтынын айтты.
«Зайытовтың «91» тобының сырт келбетін сынап, тіл тигізіп, «жиіркенемін» деген ауыр сөзін сабырлықпен тыңдап, жұдырық ала жүгірмей (оны істесе де түсінер едім) миығынан ғана күліп қойып эмоцияға, ашуға жол бермей жауап беріп отырған Ерболат мен үшін оппонентінен әлдеқайда жоғары, мәдениетті», — деп ойымен бөліскен жүргізуші көпшіліктің сыны арқылы продюсер тобын шыңдап алды дегенді меңзеді.
«Ол қол астындағы топты осылайша спарингке шығарып алды. Мұздай душтың астына тұрғызды. Сынады. «…Шыдайсың ба менімен достасуға, Жалаң аяқ су кешіп, тас тасуға», деп Мұқағали ақынша серіктестеріне сұрақты төтесінен қойды. Шаш өсер, бояуы жуылар, трико шалбар боп өзгерер. Бірақ, арақ ішіп, есірткі тартып есірмеген, өнерде өз жолын іздеп, өсіп келе жатқан жастарды осыншама талап, мүсіркетіп «мен сияқты костюм шалбар кимейсің бе, шашты дұрыстап қысқартпайсың ба?» — деп жер шұқытып қою, қаз-қаз тұрып келе жатқан балаға,»неге жүгіріп кетпейсің?» дегенмен тең», — дейді тележүргізуші.
Автор көрермен бір кездері Ninety one тобы сияқты «А-студио» тобын да түсінбегенін мысалға келтірді.
«Конформистер қашан да болған, бола да береді. Оларды тыңдасақ, елден ерек, алыстан асау мінезін білдіретін ұзын шаш қойған әнші, ақындарымыз — Батырxан, Жарасқандар, Қадірлар қайда бізге? Конформистерді тыңдасақ, сыған қызы Карменді операның бас кейіпкері етіп, көрерменнің ызасын тудырған Бизе тумас еді. «Жалаң аяқ сығанның сайқалын операға арқау еткен дарынсыз» деген жаман атқа қалған Бизе — бүгін ел ауызындағы классик. «Арайдан» кетіп, «Алма-Ата студио» болған Серкебаев Байғалидің өзі мұндайды бастан өткерген. АХБК сарайының концерт залындағы алғашқы премьерасынан xалық тұрып-тұрып кетіп қалған. Түсінбеген. Шашы жалбыраған жігіттер, мәйкішең тұрып ән салған Батырxанды біреу еске алса, сол біздер. Біздің ұрпақ. Айта берсе көп қой», — деп жалғастырды ойын журналист.
Сондай-ақ Дана Нұржігіт қоғам өкілдеріне жас әнші жігіттерді сынаса, намысқа тиіп емес, мәдениетті сынауды ұсынды.
«Өнерде ұқсастықтан жаманы жоқ! Сынасақ «жиіркенемін» деген адами намысқа тиетін, көшедегі бетжыртыстың лексиконына сүйеніп емес, конструктивті, мәдениеттану деген ғылымға жүгініп отырып дәйекті дәлел келтіріп отырып сынайық!» — деді Нұржігіт.
Бір біріңмен жаға жыртысып не көрінді ҚАЗАҚТАР! 91 тобының әндері жақсы, талғам бар. Бірақ шашатарын бояп, құлақтарын тесіп алғаны дұрыс болмады. Себебі біз білетін қазақ жігіттері басқа еді. Былайша талғамдары жақсы.
Өте орынды айттыңыз, апай
Мен бұл пікірмен мулдем келіспеймін. Қазақтын жігіттері өз жігіттік калпында қалу керек, Марқұм Батырхан Шөкенов ағамызбен ешқандай салыстыруга тіпті келмейді. Бұл стильдегі топты тек халықтын назарын өзіне аудару барысында және коптін бірі болмасын деп құрылған деп ойлаймын.
жарайсын дана! бизде осы создин ишиндемиз
Ринат- қазақ деп арпалысқан, Шахановтың ізбасары ғой. Ринат айтқан ащы шындық, тамақтарын жыртқан 91 тобының сарбаздарына өте жақсы айтылған.
Муз арт тобына еліктеңдер қайдағы жоқ қызтекелерге еліктемей, ер азаматтың әйелге ұқсағаны адам жиркенетін нәрсе емеспе? шындыққа тіке қараңдар Ринат дұрыс айтады жиркену керек
жиіркенішті
Өте дұрыс Дана ханым сізбен толықтай келісемін. Біреуді жамандамас бұрын өздеріңе қарап алыңдар. Олар жеткен жетістікке жеттіңдер ма? Олардың жүрген жолдарын қараңдар. Жұрттың аузына қақпақ бола алмаймыз, бірақ солай екен деп аузыңызға келгенді айта бермеу керек. Қызтеке дейсіздер сендер қызтекенің қандай екенін білесіңдер ма? Дəлелдеңдерші десем сырға тағып алған, шаштарын бояп алған дейсіңдер қарақтарым қазір олай айтып ешкімді таң қалдыр алмайсыңдар. Образ бен қызтекенің мағынасын біліп сөйлегендерің жөн болар. Осы сөздерді айтып тозаққа түсіп кетпеңдер əйтеуір!
Бір бірімізді жамандағаннан ешкім ештене таппайды .Әркім өз білгенің істегені дұрыс деп ойлаймын .Дана ханым сіздікі дұрыс емес демеймін .Бірақ өзіміздің атақты ақынымыздында айтқаны шын
91 тобына осы стиль ұнаса несі бар талғамдары жақсы
Маган унайды 91 биікке көтеріледі
91 өте өте керемет топ бала жақсы адам еиз атын ашмақын ба азамат па