Илья Ильиннің қарсыластары кім болуы мүмкін?

Ауыр атлетикадан төрт дүркін әлем чемпионы Илья Ильин алдағы жарыстарда негізгі қарсыластары кімдер болуы мүмкін екенін айтты.

«Олимпиадаға дейін әлі уақыт бар. Келесі әлем чемпионатында екі олимпиада чемпионы қатысуы мүмкін, оның бірі — Руслан Нурудинов. Мен баратын болсам, үш олимпиада чемпионы қатысатын болады. Тағы кімдер бар… Ресейлік жігіт Беджанян — төртінші. Бір кездері Алматыда жақсы ойын көрсеттік. Сонымен бірге тағы бізден Саша Зайчиков бар, ол — бесінші. Егер осы бес ауыр атлет те жарысқа қатысса, онда бесеуі де әлем чемпионы атануға таласады. Бұл — 105 келіге дейінгі салмақта», — деді Илья Ильин.

Қазіргі уақытта Илья Ильиннің салмағы — 94-95 келі, он келіге арықтаған. Егер 94 келіге дейінгі салмақта жарысқа түсетін болса, өзіне кімнің басты қарсылас болатынын атап өтті.

«94 келіде Али Хашеми деген жігіт бар. Ол – абсолют чемпион. Әрі қарай білмеймін. Егер бабыма келсем, сонымен жарысамын. Ал 105 келіде қарсылас болатын бес не алты адам бар», — деді ауыр атлет.

Дереккөзbaq.kz
Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз