Астанада балалар үйінің тәрбиеленушілері туған күндерін атап өтті

Астана қаласы балалар үйінің қараша айында туған тәрбиеленушілері туған күндерін «Mega Silk Wаy City» СОС орталығында атап өтті.

18 бала ойын-сауық саябағын аралап, мультфильмдер көрді. Туған күн құрметіне сыйлықтар алды.

Ұйымдастырушылар балалардың осы жылғы туған күндері мәнгілік естерінде қалуы үшін барын салды, әр бала өзі армандаған, өзі қалаған сыйлығын алды.

Балаларға тамаша көңіл-күй сыйлаған мерекелік шараның демеушілері мен бастамашылары Астана қаласы әкімдігінің № 6 МБЖОРМ және № 7 МБЖОРМ-нің (мамандандырылған балалар-жасөспірімдер олимпиадалық резерв мектебі) ұжымы.