Жамбыл облысында 26 жасар ана 10 баланы тәрбиелеп отыр

«Келінім балалар үйінде өскен. Ата-ананың жоқтығының тақсыретін әбден тартқан. Жүрегі жұмсақ, жаны нәзік. Жетім көрсе – жебеп, жан шуағын төккісі келіп тұрады. Ульянаның өзі үшеу туды. Балам Валентин Оңтүстік Корея мемлекетінде жұмыс істеп жатыр. Жазға салым келіп, тұрмысымызды көріп кетеді. Не керек келінім жетім балаларды қамқорлығымызға алайық деді. Біз қарсылық жасаған жоқпыз», — дейді енесі келінін мақтап.

Ульянаның балаларды асырап алуына оның өз басынан өткерген жағдайы себепкер болған.

«Әрбір сәби ата-ана мейірімін аңсайды. Балалар үйінде жылы-жұмсақ жеп отырса да, аялы алақанды, өз үйі болғанын аңсайды. Өзім де сондай сәтті басымнан өткердім емес пе?!», — дейді Ульяна.

Осылай деп жас келіншек көзіне жас алды.

Сөйтіп жас келіншек енесі екеуі әуелі Меркідегі Савва, кейін ондағы балалар үйі жабылған соң Тараз қаласындағы Сармолдаев атындағы балалар үйін жағалап, қамқорлыққа бала асырап алуға ниет еткен. Содан бері, тиісті ұйымдардың келісімімен 5 баланы асырап, бағып отырған жағдайлары бар. Оның үстіне, Қаратау қаласынан ата-ана қарауынсыз қалған 3 қыз жазғы демалыстарында (олар колледжде оқиды) келіп, осы үйді паналайды екен. Сегіз баламен бірге өзінің ұл-қызы мен жиенінің үш баласы да шаңырақтың шаттығына айналған.

Ульянаның «үлкендері» Нина Петровна Алматыда колледжде стилист-модельер мамандығына машықтануда, жаз шыға туған үйіне асығады ол. Ал Александр – 9, Анна – 7, Петр 5-сыныпта, Анатолий алғашқы дайындық сыныбында оқиды. Бәрі де қаладағы Карл Маркс атындағы орта мектепте білім алып жүр. Виктория, Светлана, Любовьтар – қаладағы колледж білімгерлері. Бауырдай болып кеткен үш қыз да жазғы демалыстарында Ким отбасын паналайды.

«Бес балаға үкімет 106 мың тең жәрдемақы тағайындаған. Құдайға шүкір, киіміміз бүтін, тамағымыз тоқ», – дейді Ульяна.

Ал жас ананың енесі өз тілегінде әрбір қазақстандық сол балаларды асырап алса, елімізде жетім болмаса деген тілегін айтты.

«Балалар үйіне барған сайын көздері мұңға толы балаларды көріп жүрегім қарс айырылады. Мейірімді жандар табылып, соларды асырап алса ғой, жетім деген болмаса ғой деп тілеймін. «Шіркін-ай» дегеннен басқа ештеңе айта алмадым. Көз алдыма дүниеге келген сәбилерін қоқысқа заттай лақтыра салатын көкек аналар елестеп, қамығып қалдым. Солар, Ким әулетінен үлгі алып жатса, қанеки.

«Балалы үй – базар» дегеніміз сол емес пе?!», — деп сөзін түйіндеді Надежда Ким.

ДереккөзАқжол

ОҚИ ОТЫРЫҢЫЗ

Қазақстан мұнай өндіруді ерікті түрде қысқарту мерзімін ұзартады

Қазақстан мұнай өндіруді тәулігіне 78 мың баррель деңгейінде ерікті түрде қысқарту мерзімін 2024 жылдың соңына дейін ұзартады.

Антикор Нұржан Әлтаевтың ұсталуына қатысты пікір айтты

7 маусымда сыбайлас жемқорлыққа қарсы қызмет жасырын іс-шаралар кешенінің нәтижесінде экс-вице-министр Н.Б. Әлтаевты аса ауыр жемқорлық қылмыс жасады деген күдік бойынша ұстады.

Президент халықаралық валюта қорының басқарушы директорын қабылдады

Мемлекет басшысы халықаралық валюта қорының басқарушы директоры Кристалина Георгиеваны қабылдады. Бұл туралы Ақорда хабарлады.

Алтай Көлгінов премьер-министрдің орынбасары қызметінен босатылды

Премьер-министрінің орынбасары Алтай Көлгінов қызметінен босатылды. Бұл туралы президенттің баспасөз қызметі хабарлады. 

Ақша айырбастау орындарында доллар 444-448 теңгеден сатылып жатыр

Астана мен Алматыдағы ақша айырбастау пункттерінде доллар 444-448 теңгеден саудаланып жатыр.

Павлодар облысына 3 500-нан астам көші-қон квотасы бөлінді

Биыл Павлодар облысына 3 500-нан астам көші-қон квотасы бөлінді. Бұл туралы «Хабар 24» хабарлады.