Өзбекстанда Құран үйрену курсы ашылады

Өзбекстан елінде діни оқу орындарында Құран үйрену курстары ашылады. Өзбекстан мұсылмандары діни басқармасы төрағасы, муфтий Усманхан Алимов осындай жарлық шығарды.

Құран үйрену курстары ақылы болады. Курс мерзімі алты айға созылады, ақысы – 1 миллион сум (123 доллар).

Басқарма төрағасының орынбасары, шейх Абдулазиз Мансұрдың айтуынша, желтоқсанда 700-ден астам адам Құран үйреніп, 11 діни мекемеде ашылған курстарда араб тілін үйрене алады.

Желтоқсан айында 11 діни оқу мекемелерінде ақылы курстар ашылады.

“Мұндай шешімді қабылдауға тұрғындардың өтініші түрткі болды”, -дейді шейх Мансұр.

“Жарлықта курсқа қабылданатындардың жасы көрсетілмеген, бірақ олар егде адамдарға арналған”, – деді ол.

Өзбекстанда жекеменшік мекемелерде діни білім беруге заңмен тыйым салынған.

ДереккөзCentralasian.org