Продюсердің айтуынша, картина комедиялық мюзикл жанрында түсірілмек.
«Соңғы 30-40 жылда Қазақстанда мұндай жанрда ешкім фильм түсірген емес. Сондықтан, біз алғашқы болып бастаған сияқтымыз. Бұл кино бізге таңсық жанрдағы ерекше фильм болады деп ойлаймын. Сіздердің араларыңызда тұрғаныма өте бақыттымын. Бұл жерде ғажайып әрі ерекше киноның ең дарынды үздік авторлары жиналған. Барлығына сәттілік, шыдамдылық, бір-біріне деген сыйластық пен махаббат тілеймін»,-деді Баян Мақсатқызы.
Shine production продюсерлік орталығы үшін «СиСиТай» он екінші жоба болып есептеледі. Жобалардың ішінде «Жұлдыздарға арналған коктейль», «Абайлаңыз, сиыр!» фильмдері және «Махаббатым жүрегімде», «Тракторшының махаббаты» хикаялары көрермен жүрегіне жол тартқан туындылар саналады.
Айта кетейік, аталмыш фильмнің түсіріліміне актриса әрі әнші Кәмшат Жолдыбаева түсіп жатыр.
