Бауыржан Байбек байларға коттедждерін балабақшаға айналдыруды ұсынды

«Алматыда балабақша қашанда жетіспейді. Біз бұл мәселені ешқашанда 100 пайыз шеше алмайтын шығармыз. Өйткені қала тұрғындарының саны жылдан-жылға артып келеді. Қазіргі таңда осы мәселені шешу жолында қалада  мемлекеттік-жеке меншік әріптестік аясында 1000 балаға 22 жеке коттедже балабақшалар ашылды. Адамдар кезінде коттеджерді көптеп салып алды ғой. Енді оны күтудің өзі қымбатқа түстіндігіне көз жеткізе бастады. Сондықтан, қазір коттедждері бар азаматтар, сол баспаналарын жеке балабақшаға айналдырып, әжептеуір ақша табуларына болады. Біз оларға мемлекеттік «Балапан» бағдарламасы бойынша әрбір бала үшін 21700 теңгеден ақша төлейтін боламыз. Алдағы уақытта қалада тағы 5000 мың орынға шақталған жеке бала бақшалар ашуды жоспарлап отырмыз. Ал бұл бюджет қаржысын 50 млрд. теңгеге қысқартуға мүмкіндік береді», — деді Байбек.

Сонымен қатар, қала басшысы мемлекеттік-жеке меншік әріптестік аясында Алматыда басқа да ауқымды жобалар қолға алынатындығын жеткізді.

«2016 жылы Алматыда жалпы сомасы 37,6 млрд. теңгеге 16 жобаны жүзеге асыру жоспарланған. Осы жобалар арқылы 4300 жаңа жұмыс орны ашылатын болады. Сондай-ақ, биыл қалада бизнестің әлеуметтік жауапкершілігі аясында жалпы сомасы 34,5 млрд. теңгеге 25 балабақша, 4 мектеп, бір емхана және 150 балалар және спорт алаңдары салынады », — деді Бауыржан Байбек.

Естеріңізге сала кетелік, мысалы өткен жылы Алматыда 110 балалар және спорт алаңдары салынған болатын.

ДереккөзҚазАқпарат